VICARIE IN DE KERK TE MARKELO.
Wy Geert van Thié, Johan de Rode ende Johan Sticke, Arndt van Wermeloe und Johan van Hederick, doen kundt ende bekennen apenbair in desen breve, dat wy in rechten testamente vor uns ende unser older siele in die erhe Gades, unser frouwen Sunte Marien ende des guden Sunte Anthonis gegeven hebben ende geven die gueden ende rhenten die hir nabeschreven stain tot einen altare dat sie gefundirt ende dotirt hebben ende fundieren ende dotieren in der kercken van Marculoe mit aldussdanige vorworden, dat her Fredrich, nhu cureet, ende sine nakomlingen in der tit der kercken van Marculoe vorg. geven mach und sollen dat altair vorgenoempt einen ersamen priester die in der tit vocatien priester is offt binnen jairs priester worden mochte. Is hie gien priester, so soll man dat altair laten verdienen dat jair van sinen rhenten ende wes dan dairaver lopt, dair sal man dat altair vorg. mede beteren. Voirt so sall her Fredrich Grundell vorg. ende sine nakomlinge cureeten der kercken vorg. dat altair geven wanner dattet apen is, binnen einen maynt na der vacatiën. Ende weer dat sake dat sie dat nyet en deden alse vorg. is, so sollen die kerckmeisters die in der tit der vacatien dan kerckmeisters waeren der kercken van Marculoe, mit consente der genen erffgenamen van Marculoe dat altair vorg. geven sonder wedderseggent. Voirt so sall die vicarius vorg. des al-
tairs behulpelick wesen den cureet vorg. in der kercken to Marculoe mit dren missen ter weke ende in singen ende lesen in Gades dienste. Voirtz so sall die vicarius desselven altairs vorg. woinachtich wesen offt hebben aldair in sine stede einen andren ersamen priester die dat vorg. altair verdienen dagelicks alse redelick ende gewointlich is. Ende dit sint die rhenten ende gueden die tot den altair bewyst ende gegeven sint. In den ersten so hefft bewyst ende gegeven Ruloff Loevedelings ende sin huyssvrou einen kamp gehieten den Kniffmanskamp, wo die gelegen is mit graven ende tuyne in der buyrschap gehieten Boessberge vry alingh sonder thiende. To den andren male, so hefft gegeven Ruloff Hilbertinck ende Fenna sin huyssvrou einen acker gehieten die Helfft gelegen achter der Help beneven die Loe. Voirt so hefft gegeven Wolter Loninck ende Ailheit sin huyssvrou ein stucke landes gehieten die Leemacker liggende by der kercke roerende den Hoenwech.
Voirt hefft gegeven Mense Pelserinck einen kamp gehieten Tekenborgerkamp. Voirt hefft gegeven Johan de Rode ende sin huyssvrou einen acker gelegen by Hulssbekenlande, vry sonder thienden.
Voirt hefft gegeven Volmer ende Willem Mienderinck einen acker roerende an des Roden lande.
Voirt hefft gegeven Johan Lodinck einen acker roerende Berndt Dykings landt ende gehieten dat Lodinck stucke. Voirt so hefft gegeven Willem Rensinck ende sin huyssvrou ein stucke landes gehieten die Hogewech, schietende an dat Loe.
Voirt so hefft gegeven Henrick Rensinck einen gaerden gelegen an den kerckdyk. Voirt hebben gegeven die gemienen erffgenamen van Marculoe einen kamp, gehieten Hulssbekenkamp, wo die mit graven ende mit tuyne umgrepen is ende ein halff
hoyschlach an Volckerinck Schlege, noch eine mait, roerende Splinters Schlach ende eine halve waire in oeren broke. Voirt hefft gegeven Johan Hulssbeke ende sin huyssvrou einen kamp, gehieten Schomakerskamp wo die begrepen is mitten gaerden die dairomme en geschlagen sint. Voirt hefft gegeven die erffgenamen van Stockum ein stucke landes van anderhalff mudde geseyes ende ein stucke landes van ein schepell, beide gelegen to Hederke by die kerckbusch. Voirt so hebben gegeven dieselve erffgenamen eine mait gehieten Belanen mit allen den harden und weken holte in Akermate wo die gehaget ende gehoevet is ende einen kamp gelegen tusschen den twen Heddinck Boemen ende twie stucke landes gelegen in den essche Stockum. Voirt hefft gegeven Johan Rolevinck ende sin huyssvrou einen acker gehieten dat Hazekott, gelegen in den essche to Boessbergen, roerende die kerckwech op beiden syden. Voirtz hefft gegeven dat gemiene kersspell van Marculoe op den vorgenoempten altair die costerie mit allen sinen tobehoren bes ter tit to dat sie sien ende bewysen moegen dat die vorg. vicarius in der tit doch genoich hefft behalve die costerie, dan so moegen sie doin und laten mit der costerie wat sie willen. Ende want dese vorg. puncten unse uyterste wille ende begeren was, so bidden wy unsen genedigen Heren Vader in Godt, bisschop van Utrecht dese gueder des altairs vorg. to confirmieren ende pronuncyren to wesen giestliche goederen und dat hie instituiren will tot desen vorgenoempten altair hern Herman Reymeringen, priester, alse sedelick ende gewoinlich is. Ende wante wy Roloff ende Ruloff, Wolter, Mense ende Johan etc. alse wy voirgenoembt sin, anders manne ende vrouwe die dese rhenten vorgenoembt tot den altair vorg.
bewyset hebben, alle selffs giene segelen en hebben ende willen dat dese fundatie stedicheit hebben soll, so hebben wy gebeden Geerde, Johanne ende Johanne etc. vorg. omme bede willen der vorgenoembde luyden, mannen ende vrouwen, dese fundatie aver uns to besegelen tot einen oirkunde, so hebben wy Geerdt, Johan und Johan etc. vorg. omme bede willen der vorg. luyde, mannen ende vrouwen, dese fundatie aver uns ende hem mit unse segele besegelt.
Gegeven in den jare unses Hern duysent vierhonder negen und dertich, des soevenden dages in die Meerte.
Pro collationata copia Gerhardus Kottinck,
notarius publicus in fidem scripsit et subscripsit.
Bovenstaande copie is een bijlage van een ongedateerd request van jonkeren en erfgenamen van het kerspel Markelo aan de Gedeputeerde Staten van Overijssel, waarbij zij verzoeken dat, nu de inkomsten der vicarie verpacht zullen worden — blijkbaar als gevolg van de op 18 October 1619 door Ridderschap en Steden genomen resolutie op de remonstrantie van de gedeputeerden der Provinciale Synode — de schout van Markelo, Bernhardt Helmichs, althans de helft dier inkomsten zal mogen genieten. Het request zal 1620 gedateerd moeten worden; immers op de achterzijde staat abusievelijk geschreven: „Requeste van den schulten van Marculoe” en dit request zal dan ook bedoeld zijn in de resolutiën van Ridderschap en Steden van 2 Juni 1620, waarin te lezen is, dat de
schout Bernhardt Helmichs, aan wien de inkomsten ten behoeve van de studie van een zijner zoons „voirmails bij heeren drosten van Twenthe ende verscheidene andere jonckeren ende erffgenamen waren geconfereert ende toegestaen” verzocht dat hem althans de helft der inkomsten voor het genoemde doel mocht worden toegestaan, welk verzoek evenwel niet werd geaccordeerd.
A. HAGA.
- Haga, A. (1930). Fundatie van de St. Anthonis-Vicarie in de kerk te Markelo. Archief voor de geschiedenis van het aartsbisdom Utrecht, 54 (1), 103-107.